Me pà de vedde ae prime luxi da mattin
E furnaxi fumanti cun inturnu i furnaxin
Me pà de vedde i "leudi" a veia pinn-a
Careghi a cian d'egua de casinn-a

Navigandu tuttu lungu a Rivea
Sparivan da Leun e da Invrea
E riturnandu dall'urtima avventua
Ripartivan pe guagnà a vita dua

Questa a l'ea l'antiga Cugulettu
Quande fitu se satava zu du lettu
E ricurdandula cun in po de fantasia
U l'ea in bellu peise riccu de poesia
E pé cuncludde ste righe finn-a in fundu
Ricurdemuse che a l'é a Patria de Culumbu.

Luigi Nicolò Poggi

Tel. Comune di Cogoleto: 010/91701